Kode 9 ќе го презентира новиот албум на Burial
Kode 9, сопственикот на Hyperdub, за време на фестивалот Club to Club, кој се одржува во две држави, Италија и Турција, со посебен сет ќе го презентира новиот материјал на Burial.
Не знам колку сте запознаени, меѓутоа Burial во 2006 година го издаде својот деби албум едноставно наречен Burial и беше прогласен за најдобар албум од страна на списанието The Wire за таа година. Наредната година Burial го издаде и својот втор албум, Untrue, кој исто така беше одлично прифатен. Овие два албума беа издадени од страна на Hyperdub. Интересната работа е тоа што до 2008 никој не знаеше кој всушност стои зад името Burial. Затоа нека не ве чуди тoa што Kode 9, сопственикот на етикетата која ги има издадено досегашните албуми на Burial, ќе го промовира новиот албум. Burial очигледно не сака да се експонира многу.
Во програмата на фестивалот Club to Club стои дека Kode 9, покрај овој ексклузивен сет посветен на Burial, ќе има и сопствен сет. Покрај Kode 9, на Club to Club ќе настапат и Darkstar, Floating Points, Four Tet, Jamie XX, Jeff Mills, Joy Orbison, King Midas Sound, Modeselector, Shackleton и многу други. Фестивалов е неверојатен. Да се надеваме дека еден ден и Македонија ќе биде дел од вакво нешто.
[via FACT]
Update:
Цитирам од Kode 9: “There is no plans for a new burial album so you can all stfu”. 
Така да горенапишаната статија е шпекулација
